كلمات المصلحة
✍️ كلمات: عماد عبيد
🎼 ألحان: وليد عبدالعظيم
اللى يبص لعيشه غيره
وبيتبطر كدا على عيشته
مهما بيطلع فوق وبيوصل
بيوقع على جدور رقبته
واللى ميرضش بالمقسوم له
بيمشى طريق اخرته مسدود
وكل مايهبش يطمع تانى
وبرضو بيفضل كدا نمرود
ربنا قسمها لينا
ومصعبهاش علينا
بنضيع ليه بايدينا
كل الخير اللى فيها
واخدنها تملي سكه
عايزنها تبقي سالكه
و المصلحه والفكه
دايما بصين عليها
لو نرضي ونحمده
ونقول يارب عينا
و طمعنا نبعده
ماتزلش النعمه منا
مين فينا اختار حياته
مالناش في روحنا حاجه
ياما ناس في الهنا باتوا
صحيوا معاهمش حاجه