كلمات هونتها

هونتها لكنها عيت تهون
لا قلت راح الهم الاقيه قدام
فيني الم ما مر في قلب مطعون
فيني حزن ما مر في عيون الايتام

عاقل و لكن طحت في وقت مجنون
لا اخوان في جنبي لا حولي اعمام
واللي ابي عونه لقيته يبي العون
لا ودي ازيده على اطعونه الام

اصحاب انا و الهم و احباب وانمون
لا ماهي صداقه يوم ذي عشره اعوام
والهم سجاني و انا فيه مسجون
ان قام حظي طاح و ان طاح ما قام

تقول مافي انسان غيري في هالكون
حطمت في همي انا كل الارقام
الحزن في عيني له سنين مدفون
تتحقق الاحزان وتخيب الاحلام