كلمات راح تتغير
عرفتك راح تتغير
اول ما تلاقينا
مع كل الاسف ذكرى
بكل بغداد خلينا
وجودك كان شاغلني
على العالم وحنيته
انت اكثر بشر بالكون
اذاني بمزاجيته
خل تنقطع مليت من اخبارك
استحقرتك اول ما عرفت اسرارك
ما احد قدر يتحملك وباقي وياك
لا تقول لي من دون البشر مختارك
اللي يحبك يبتلي
وحزن قلبه ينملي
مستحيل ارجعلك اني
هسه اريد ارجع الي
وقلبي طاب وشفي
راح الغي العاطفه
انت استاذ الخيانه
وانا استاذ الوفا
انت اللي ما ردت تصبر
صلف وبكل شي رافضني
مثل المشكله الصعبه
كل تفكير اتفضني
نسيتك اني صدقني
اول ما نويت انسى
شفت الجانب الطيب
جاك الجانب اللي يقسى
يومك بدون تقدر انت تكمله
والصعبه عندك اسهل من السهله
مشكلتي انا تعلقت بي انسان
يا يابا ما يحبونه يمكن اهله
التهي بنفسك بعد
ولا تراقبني ابد
اني راح انجح بدونك
واعتبر هذا وعد
تتوقعني راح اندم
لا يا معود انساها
رسايلنا قم تضحك
اذا بالصدفه اقراها