كلمات مجروح
✍️ كلمات: فوزي ابراهيم
🎼 ألحان: امجد العطافي
اوعى تداوي جرح بجرح
اوعى يا قلبي يا مجروح
اوعى تداوي حب بحب
و اما يطيب الجرح يروح
اياك تظلم قلب بقلب
اياك يا قلبي
اياك تاخد ذنب بذنب
اياك يا قلبي
فكر في اللي هتخدع قلبه
لما يعيش زيك مجروح
بعد ما تنسى جراحك انت
جرح التاني مين يداويه
لما هيعرف يوم ان انت
كنت بتنسى جراحك بيه
مين بجراح التاني يحس
لو فكرت بنفسك بس
و اما هيصحى في يوم احساسك
من احساسك فين هتروح
اياك تظلم قلب بقلب
اياك يا قلبي
اياك تاخد ذنب بذنب
اياك يا قلبي
فكر في اللي هتخدع قلبه
لما يعيش زيك مجروح
حاول تحضن جرحك و انسى
و اللي يبيعك بيعه في يوم
اوعى تبيع الوهم و ترضى
تظلم قلب ارتاحلك يوم
ويلك لو بالذنب تحس
لو فكرت بنفسك بس
و اما هيصحى في يوم احساسك
من احساسك فين هتروح
اياك تظلم قلب بقلب
اياك يا قلبي
اياك تاخد ذنب بذنب
اياك يا قلبي
فكر في اللي هتخدع قلبه
لما يعيش زيك مجروح