كلمات عابر سبيل

عابر سبيل

يمكن أكون مخلوق فى عالم فيه موسيقى بدل الهوا
يمكن يكون الناس شفاها بالورود مش بالدوا
و الشعر فى الدستور و متقسم مواد
و كلنا عايشين سوا و مفيش بلاد
و مفيش مجال للظلم أو داعى لحروب
و مفيش فروق بين البشر غير بالقلوب

كل اللى جوه قلوبنا باين فى العيون
و ولادنا مايفرقش بينهم دين و لون
و الرسم فى التعليم بدل كل اللغات
و نعلم التلاميذ تقول بدل السكات

و الشنطة مش بتجيب أتب
و الضحك مش قلة أدب
و الحب مش محتاج هدف
و طريقنا ماشيينُه بشغف

الفن مقدار الغنى مش بالظروف
و الناس بتتكلم غنا مش بالحروف

يمكن أكون عابر سبيل مش من هنا
من وقت تانى و دنيا تانية حنينة

عابر سبيل ، عابر سبيل
عابر سبيل ، عابر سبيل
عابر سبيل ، عابر سبيل
عابر سبيل ، عابر سبيل

يمكن أكون عابر سبيل
انا عابر سبيل