كلمات برق المزون
🎼 ألحان: عيسى الكبيسي
برق المزون اللي نشى عانق الغيم
كن السما للبرق وجه المرايا
اصحى على فجر من الشوق له ديم
يسوقها رب الخلايق هدايا
الحب صوته بين صوتي ترانيم
في صبح عمري وفرحتي في مسايا
طله صباح خالطه ليل ابهيم
جعله بعد ليل تزايد عنايا
شفت الغيوم السود مثل المجاهيم
حرك مشاعر بايته بالخفايا
وين انت ياللي في هوى الخافق مقيم
البرق حبك وارعدت لك حنايا
شعري مع طرياك في طيفك يهيم
مافات حب فيه جدد غلايا
بان الوله بين المحيا تقاسيم
عز الله انك غايته بالبرايا
العمر فاني ولا تبيها المفاهيم
اغنم جميل الوقت وارمي شقايا
تزين جلستنا ولا صابني ضيم
بين القرايب طيبين السجايا
نشعل مقابس ضونا بعالي الغيم
للطيب مجلس والمعزه سمايا