كلمات سندباد
✍️ كلمات: سيف النصر محمد
🎼 ألحان: حسن ابو السعود
حبيبتي ياحبيبتي ياللي في اخر البلاد
بعدنا وانا وانت مش واخدين ع البعاد
وجايلك يا اميرتي عامل م الشوق سفينتي
وان كان البحر يعلا انا هاعمل سندباد
ياموج البحر خدني الشط مش بعيد
خدني لعيون حبيبتي هي املي الوحيد
خديني في حضن قلبك ياحبيبتي وقربيني
انا محتاج حنانك ده شوق عمري وسنيني
مهما طال البعاد انا جايلك في الميعاد
وان كان البحر يعلا انا هاعمل سندباد
انا جاي بشوق ولهفه جاي لاجمل عيون
ومعاك يا احلي صدفه كله في حبك يهون
يافرح العمر كله ياموالي وغنايا
هادوس عالصعب وامشي مادام قلبك معايا
مهما طال البعاد انا جايلك في الميعاد
وان كان البحر يعلا انا هاعمل سندباد