هذا القدر يا اللي لقلبي مجافيه ولعتني والروح صارت حزينة اسهر وجرح القلب صعب اداويه طبع الهوى ما يقضي اليوم دينه في قصتي محتار حزني اجاريه والروح في كف القدر رهينه حيران في حب عن الناس اداريه يا من يعين القلب شينه وزينه حب قديم طاب لي في مباديه معطيه من عمري غلاه وحنينه واليوم نور العين قلبي يماشيه كنه معي رابي من اول سنينه وين اشتكي والقلب زادت بلاويه من يستمع للي دموعه بعينه