كلمات طاب العنب

طاب العنب واستوى العناب
والحب ندانا ولا سالوا الاحباب

فى السهرة حكينا قولنا وارتوينا
على ليل الحبايب اللى طال علينا
اللى حبيبه مجاش واللى اوانه مجاش
واللى قال غنيوته بس مكملهاش
واللى ضيع عمره قلبه على الاحباب

فى الصحبة لقينا ناس تصعب علينا
حالهم زى حالنا واكتر من اللى فينا
اللى عذابه طال واللى بخته مال
واللى غنى جرحه فى كلام الموال
واللى قضى عمره يبكى على الاحباب

على شوقنا ادينا جينا والتقينا
على امل ان بكرة يبقى لينا
اللى يلاقى سعده واللى يضحك وعده
واللى حبيبه يمسح دمعة من على خده
واللى يفرح قلبه تانى بعد عذاب