كلمات حي لك مشتاق

حيل لك مشتاق والشوق يحديني
والسهر والليل وش قدم لاسيره
ماغفى قلبي ولو غمّضت عيني
وان نشدني صاحبي ماجبت سيره
تحت حكم الوقت واوجاع السنيني
كل ما ملّيت رجمٍ رحت غيره
اتذكر مامضى وافرك يديني
واتنهد حرقة وحسرة وحيرة

انا بصبر للعنا والله يجيره
ياحبيبي !!علّ باقي تحتريني؟
والّا راحت بك مشاعرك الوفيرة
الشعر مندوب مابينك وبيني
والشعر باقي جماهيره غفيره
لا تعذرّ والعذر ماهو سميني
بس تكفى وضعنا حدد مصيره
لا تقلّ بعد البطا وينك وويني
الزمن دوار والدنيا صغيرة
ولاتهبني لعبةٍ بين اصبعيني
كانه اسمي في مراحله الاخيره

وانا مومن بالقدر شره وخيره