كلمات لا تحسب اني

لا تحسب اني عليك ابكي من الاحزان
لا والله ابكي على نفسي و اعاتبها
صدقت ضحكة سرابك والمقدر كان
وشلون ما الوم انا نفسي واحاسبها

ليتك تقدر جروحي اللي رجتك ازمان
وتكرم حشا خافق حس بلهايبها
وليتك تصد بطيوفك ما تمر احيان
وتبعد عن دروب عيني ما تقربها

ارحل بذكرى الغلا في عالم النسيان
و خل المواجع في قلبي لا تقلبها
ذابت شموع الوله في خاطر الولهان
و شابت حروف الغلا في يدين كاتبها

ما عاد لي في زمان الشوق والحرمان
وما عاد لي في دروب الحب الاعبها
عزيت نفسي عن اللي شفت بالسلوان
خليت موج البحر يلطم مراكبها