كلمات راجع كصتك

باجر ننتخب الحبونه ... ونعوض كل همنا الفات
راجع گصتك شوف الغيره ... واتذكر عباس شسوه
انت تفجر بينه وتكتل ... صدكني الغيره مو گوه
الزلم الزينه يسمونا ... بس ما اعرف شيسموك
بالنجف الأشرف دفنونه ... بس انت وين يدفنوك
هذا شهيد ويرحمونا ... معقوله الناس يرحموك
بالجنه احنه يقبلونه ... بس انت وين يقبلوك
هم سامع تاريخك ينسى ... اتذكر خيبر والباب
الحسين البطل العلمنا ... لازم ينذل الأرهاب
خل كل ام تصبر لا تبزع ... زينب موجوده ومتهاب
بزود الزلم الخشنه الملحه ... ميضل بهلـ بلد ارهاب

ما تگدر انت تفرقنا ... تكتل واحد يطلع عشره
باجر ننتخب الحبونه ... ونعوض كل همنا الفات
ابطال الماتو لبلادي ... بس مو مثلك عااااار ومات
خل كل ام تصبر لا تبزع ... زينب موجوده ومتهاب
بزود الزلم الخشنه الملحه ... ميضل بهلـ بلد ارهاب
معلومات الاغنية
كلمات - يوسف السوداني
الحان - نصرت البدر
توزيع - عصام حكمت
ماسترينغ - مصطفى كمال
اشراف عام - نصرت البدر
التسجيل - ستوديوهات نصرت البدر
Network Administrator - حسوني البدر
اخراج - رافت البدر