كلمات جدو
✍️ كلمات: امام مصطفى
🎼 ألحان: احمد منيب
جدو يا طيب يا ابو عصايا من فضلك احكيلى حكايه
اوعى تنام قبل ما تقفلها افضل قولها لحد اخرهاد
وان خلصت بقه خش فى غيرها لازم تسهر تحكى معايا
شرط كمان قبل اما تقول اوعى تقولى حكايه الغول
بفضل احلم بيه على طول يجى اسبوع القيه ويايا
جدو احكيلى حكايه سعيده فيها الغاز ومغامره مفيده
مش معزايه وديب وعصيده حدوته اهضم بيها عشايا
عايز حاجه عن الصواريخ او معلومه عن المريخ
مش شيتا وطرزان وصريخ واميره راح تجرى ورايا
جدو افهمنى وراعى ظروفى نفسى فى مره اسمع على كيفى
ده انا لسه بكون فى حروفى لكن عقلى كله مزايا