كلمات ابلنا
طالبك يابا العطايا وياننشي الرعود
يا مجيب وياسميع لعبدن يدعي
يالله بليلن على دارنا برقه يقود
لين تروى من إخلاف المحال وترجعي
وتكتسي بالعشب دار لبانا والجدود
من غزاها مالقي من وراها مطمعي
مرحبا بامات الاريل وبالبكر الحشود
وكل حمرا عالي الصوت يشعاها شعي
شرعي بالحوض يامات الاريل شرعي
إبلنا معروفة من عصر عاد وثمود
ورث ابي من كسب جدي وخلفها معي
يوم عاد البيت يبنا على عالي النفود
ماقرعها البعد والخوف من دون الرعي
حن انعدي في طرفها ونردها العدود
لي تلاشا الصلح ماعاد ياتي بالسعي
عادتن يلقاء الخصم من قوين الزنود
لطمتن يبطي وهو من بعدها ماوعي
قد يجوز انها اتعود ويمكن ماتعود
العصور اللي بها راعي البل مولعي