كلمات شوفي خلف البحر
✍️ كلمات: روميو لحود
🎼 ألحان: روميو لحود
شو في خلف البحر خبريات
نايمه بقصور منسيه
وبحور خلف بحور وحكايات
عم تنحكى بسهرات شتويه
ودراج كلا زهور
واقمار عم بتدور
طرقات عم تركض ورا طرقات
شو في خلف البحر خبريات
اشلحني ع شي بابور
وقلو ياخدني بعيد
ع بلاد كلا نور
كل لياليها عيد
ما بخبرك شو صار
باخر المشوار
بلكي السما بتغار
وبيزعلوا النجمات
شوفي خلف البحر خبريات
خلف البحر شو في
تا الناس بتسافر
درب السفر مخفي
ويمكن مالو اخر
وايدين عم بتميل
وتلولح مناديل
وبينطفي القنديل
وتعتم السهرات
شوفي خلف البحر خبريات
شو في خلف البحر خبريات
نايمه بقصور منسيه
وبحور خلف بحور وحكايات
عم تنحكى بسهرات شتويه
ودراج كلا زهور
واقمار عم بتدور
طرقات عم تركض ورا طرقات
شو في خلف البحر خبريات