كلمات الفيصل حفيد مكتوم

كل عام وانت في قلبي كبير
وانت في قلبي غلا ليل ونهار
انا قلبي في هوى الفيصل اسير
هذا نبض القلب عندي باختصار
حاكم قلبي وهو شيخ وامير
ساكن فوادي يمينه واليسار
اخر العنقود والحب الاخير
وقلب روضه ما نسى حب الكبار

انا قلبي في هوى عيالي يطير
كلهم فالقلب سكناهم ودار
افرش الدنيا اذا يوني حرير
وافتديهم لطلبوني بالعمار
من ضياهم يستوي ليلي منير
ومن ضياهم يستوي ليلي نهار
يامرون ولاجلهم كل شي يصير
عزوتي كل مالزمن والوقت جار

وانت الفيصل وياسيف الشطير
وما اشوفك غيرر حر مالحرار
تخدم بلاد الوفاء بقلب وضمير
لاجل تبقى هذه الديره عمار
كلنا لاجل البلد نفس المصير
من صغار ومن كبار ومن صغار
نهج مكتوم مشى واحنى نسير
نفس دربه ولا خلفنا في المسار