كلمات رموز الصعب

أربع رموز في سن اليذاع
من فعله وسيع البنايد
وفالحول زاد الصاع بالصاع
عوايد ماهي جدايد
واعدادهن سته بالجماع
منالهن راعي الوسايد
لصعب ما تصعب وتنصاع
في روس النوايد

اسمن يذلل كل كايد
اسمه يوفي الشبر بالباع
اللي نواميسه عوايد
ابو هلا يا مرحبا الساع
عد مايبغي له شهايد
ولجل السبوق الكاش مناع
يخلي البايع يعايد
انتاج آو مشرا ولا باع
في سبقهن اكبر فوايد
في وصفهن اسمع لك بداع
ابداع في وصف الفرايد

من قانص يبغي يصايد
ولا على حرا وطلاع
إللي ماخلا له شرايد
اتقول ما ياطن على القاع
كنهن على لاضي وقايد
ولا خليط بدم لسباع
في وصفهن ماني محايد
مرباعهن في الشوط مرباع
سبع يحدد له طرايد
ناموسهن ناموس ينذاع
في مهرجان الشيخ زايد