كلمات شرهة الغالي
خلوني أسج دام السجه أشلالي
من جلسة البيت ولا مجلس النمه
أرتاح ويطيب جوي بالخلا الخالي
في خايع يبعد المهموم من همه
ربيع نفس البنادم راحة البالي
لاصار مرتاح يرقد لو على كمه
وأنا مقفل عن الازعاج جوالي
ماودي أكدر الخاطر ولا أغمه
لي عدة أيام مانيب التفت يمه
ماغير رايح لحالي وراجع لحالي
ماني مع الناس مفترقه وملتمه
وش لي بهرج القفا والقيل والقالي
ومعاشرت من يسب الكفو ويذمه
ياوجهي لاتهمك الا شرهة الغالي
بعض المشاريه لامذهب ولا ذمه
اللي مايصفى لا ابن عمه مايصفى لي
لاخير باللي مايصفى مع بني عمه
من كثر ماشفت صرت أشك بضلالي
وأنا أخو الطيب اللي لم تلده أمه
لولا فنون التعامل جيت بمطمه
والله أن تجناب بعض الناس يحلالي
لو أنها تورد الضامي على الجمه