كلمات خدت التأشيرة
خدت التأشيرة
وهزوره هزوره هزوره
والفرحة كبيرة
وهاملي عنيا بنوره
ماانا ربي دعيته وناجيته
يأذنلي أحج وازور بيته
واللي طلبته واتمنيته
فجأة لقيته جه ونداني
سالت دمعتي جوا عنيا
مبسوط واللاه القلب ومرضي
وباتمم أركانى وفرضي
أنا لما لقيت مكتوب أسمى
غلبتنى مشاعرى الجياشة
حسيت روحي وقلبي وجسمى
فى الهوا طايرين زى فراشة
الحلم طلع حلو حقيقى
تأشيرتى أهى بلت ريقى
وبإذن الله همشى طريقى
والدنيا بحالها ماسيعانى
طير بيا يا شوق وصلني هناك
مش قادرة انا أصبر واستنى
ما تاخدني أوام دلوقتي معاك
عند نبينا نفسي اتهنى
خليني أدوق طعم الماية
م النبع الصافي يكفيني
لو نقطة تجبيها عليا
وف حجر الكعبة قمر وناس
أحاسيس ومشاعر جوانا
يشهد بجمالها رب الناس
هتعيش وتآنس دنيانا
وجبل عرفات كله محبة
وملايكة بتفرح يوم عيدها
ماهو ركن الحج لمن لبى
ويا رب تقبله ونعيدها