كلمات اشطح
لا ماتصير عيوني اغاتي
يا مغرور اشلون تصير
تطلع من جوه اجناحاتي
وتريد اتعلمني اطير
بعدك اصغير بعدك بيديا
اكبر بالاول واتكبر عليا
عود اتشمت بيه حياتي
من يصير براسك خير
ظايج مني وتحجي عليا
مقهور وقلبك محروق
ماشوف انا اللي يم رجليا
انا عيوني تظلي فوق
ماريد اسمعك كلامك كرهته
تكبر عليا حبيبي منو انته
ماتسوى انزل دمعاتي
وراسي يدوخ وقلبي يحير
اسمع هاي الكلمه حبيبي
وتذكرها الله عليك
لو ترتاح انته بتعذيبي
انا اصلا ما افكر بيك
مايهمني حجيك ولا تهمني انته
ماسمعت اصلا الكلام اللي قلته
احسن لك تبعد باباتي
وتعلم لك شي صغير