كلمات بستان الاشتراكيه

افتح افتاح
اقفل حول
نقعد نرتاح
لا حنكمل
ده السد العالى شهل
على راس بستان الاشتراكية
واقفين بنهندز ع الميه
امة ابطال علما وعمال
ومعانا جمال
بنغنى غنوة فرايحيه
ننده كلنا ندهة فلاح لاخواته ساعة الرى
حاكم ارضنا ملكنا كلنا م السد العالى وجى
ننده كلنا ندهة قوية
افتح
افتح على حوض الورد ابو تمانين مليون شجرايه
الورد العربى ورد السهل وورد الصحرايه
اهو كده وافتح صفحة ما تشبع فيها الدنيا قرايه
يا فاتح فى الصخر ده للجيل ويا النيل مجرايه
اقفل
واقفل ع الحيره السيره وهات شربات للكل
اقفل عينك وافتحها تلاقى الشوك بقى فل
وزهور ليمون صابحه ف يافا بتضحك وتطل
تقول افتح صندوق العيد وادى الحلوة مرايه
موال
يا حلم يا حلم يابو الليل يا متزوق
ليلك سهرناه ونورناه بالمبدا
فيه ناس تقول فى الصباح حلمنا والله خير
واحنا الصباح ييجى يلقى الحلم متحقق
حول
حول وافرش منديلك لاخضر ع الرمله
حولها جداول ومعامل وحياه كامله
حولنا وطولنا املنا بايدنا العامله
حول على فوق زى السد ما طالع على فوق
الخير بيجيب الخير والفرحه دى كانت شوق
الشعب العربى رمى قيوده وخرج م الطوق
طالع طالع للقمه وبيزرع فيها الرايه
قولوا ورايا
افتح افتاح
اقفل حول
نقعد نرتاح
لا حنكمل
حنكمل