كلمات يا دنيا تهون

هاي وحده وياج يا دنيا تهون
اني غالي شلون رخصتيني
اكبال كل الناس جنت اني عزيز
ارد سالج ليش ذليتيني

اصبري اليوم مو باجر
اصبريلي بسيطه تهون
بيا الشمتوا والله
نفسهم بيج يشمتون

هاي وحده وياج بس مشكوره
حيل لان خليتي اجرب اصحابي
جانو يبوسون جوايه التراب
ومن طحت محد اجه ودك بابي

اضل مثل الجبل واكف
خلي شما حجو يحجون
مو ياهو يجي تذليه
اكو عالم ماينذلون

انلغبت الداس بس سمعيني زين
ما متت اني وبعدني بحيل
اي وكعت اليوم بس باجر اكوم
باجر انتي مدنكه ترجعيلي

تخلين النذل يرتاح
والطيبين يتعذبون
اصبري وراح اجر اذنج
واراويج المذله شلون

جنت تاج الراس وكعتيني
ليش جنت فوك وماكو واحد فوكي
اليوم خليتيني من مرج اضوك
باجر من المر اكلج ضوكي

ابد ما الج امان انتي
والامنوج ميربحون
ما اطخ راسي اي
والله لو هسه كلبتي الكون