كلمات طلابة الناموس

طلابة النامـوس و السبق احضرو
اللي علي خطف الرموز يخططون
في شفه الناموس ساقو ماذخرو
امن الذلل لانتاج واللي يشتــرون
في شفها ماهمهم كم اخســــرو
اهم حاجــة فالركض يتنومسون
وشعار بن مرخان باسمـه سطرو
انجـاز تلو انجــاز لي به يطمحون

حظه يوردهم ويصدقها الظنون
خـــوي بن مكتوم لي ربعه ضرو
لرقم الاول في التحدي يعشقون
والنعم بوسلطان كـفـو لاطــرو
لامن سبق كل العرب له يفرحون
الصعب صعب فالرموز ان هيـرو
هير بسحم وحمر تبهـــر للعيون
فيهن من الغزلان وصف لاذكـرو
خفه وسـرعه سيـر يوم يحركون
وفيهن من طيار القطاء لا طيـرو
العصر عقب الرمي يوم يروحون

وان اخــرو عالخط دوم يحللون
امن الرهـو كم تيم دقو واكسرو
في كل دار وين راحـــو يسبقون
وعبيـد وقروبــه تــري ماقصرو
امن الرموز وحصدها مايكتفون
كم بندق وشلفا وسيف صــدرو
من الذهب كاسات دايم ياخذون
واسطورت التضميـر لامن ضمرو
لغفيلي اللي بالضمر له يشهدون
اسكاي دايف لنـــوادر اظهـــرو
علي كفو والدرع نــــدر ينتجون
والشهـم انتج لي بها العالم درو
دوله و دولـه لي عليها يراهنـون
باتيامها و سيوفها الناس فخرو
سلام يامرغم عـدد وبل المزون