كلمات على ضي الشموع

على ضي الشموع
أذكر ميلادي اللي فات
أذكر من جنتي ويايّ
وش قد غيرتنا الحياة
من يوم اللي غبتي وأنا شفتي ما زينتها البسمة
أشوفك مع غيري واخدع نفسي بكلمة قسمة
كتبتك قصة وبالآخير ردت تكوني حلالي
تغير فصلك وصارت ما عاد تهم أحوالي
صارت قصة كئيبة بطلها الإهمال
وأني من ذيك النهاية ما عشت مرتاح البال
عيني على الشموع وخايف أتمنى الأمنية
أتمنى أحكيها قصة حلوة ما أغنيها أغنية
وعدتني بالأماني تنبني البيوت
ومن طفيت الشمعة راحت ما ظل منها بس الصوت
وين الوعود طول العمر نبقى أحباب
أسمع ردهن ببرود تقول لي أتمنى نظل صحاب
حابس دموعي بحسرة ومو قادر على البعاد
على ضي الشموع
وأذكر ميلادي اللي فات

ترا اشتقت لك
طول حبيبي غيابك
ماني قادر أتحرى وأوقف على بابك
مابي منك رجوع ولا تكذب بالدِموع
هذي نهاية وبطفي الشموع

على ضي الشموع
وبنفس المكان الكئيب
ميلاد حزين شموع يتيمة حزن غريب
الناس كلها حولي من أقارب وأحباب
وأنا  ناطر بس حضوره وعيني ما انشالت ع الباب
معقول نساني ولا نسى هذا اليوم؟
معقول انشغل ولا نسته الهموم
فجأة ابتسم وأقول لنفسي أي نسيت
مرت ثلاث سنين وهجره مر على ها البيت
نسى الأيام نسى كل ذكرى عشناها
نسى هذا الشموع اللي ياما طفيناها
نسى الوعود كل سنة أنا وياك
نكبر سوى ونظل سوى الآخر لحظة أنا معاك
بزيد عدد شموعي وتزيد سنين الفراق
طفيت لشموع اتلفت حولي لكن ما ألقاك
فأتخيلك بين الناس وأقنع نفسي بحضورك
إذا بيوم هزك الشوق لا تجيني مابي وجودك

ترا اشتقت لك
طول حبيبي غيابك
ماني قادر أتحرى وأوقف على بابك
مابي منك رجوع ولا تكذب بالدِموع
هذه نهاية وبطفي الشموع

يا أناني ما جاب الخاطر ليلة لقا
ولا همك؟ توعد وتخلف وانتظر أنا اللقى
حبك كان فيني بلوة تشقيني ليل ونهار تحرق حنيني
لالا ما قلت اشتقت لك وإنت تشتاق لغيري
غايب عني وأنا قلت لك إنت مو لي لغيري
مابي منك رجوع ولا تكذب بالدموع
أبي نهاية وبطفي الشموع
آه، آه، آه، آه