مانسينا ياجميل الوقت ذكرانا القديمه القديم اجمل كثير من الجديد اللي يحير يا بدايات الحنين اللي بداخلنا مقيمه كثر مانكبر نحس بصادق شعور الصغير للمشاعر هيبه تهزم وللوقفات قيمه كيف نتغير وحنا عاجزين انا نغير ويش اسوي بالدموع اللي وسط عيني مقيمه ليت عيني مثل بعض الناس دامعها مسير في خيالي لك خيال كل يوم اسرح واهيمه انت خير بس ظرف البعد ابد ماهوب خير انت لي كل الدروب الواضحه والمستقيمه وانت لي روح نفسها في الهوى ماهو قصير