كلمات كل الكواكب

تلتفت كل الكواكب فوق وتشاور لها
تصرخ بعالي سماها نجلا يانجلا أنا
تنتظر كل الكواكب وين بس منزالها
والحظيظه الأرض يوم قالت ابنزل هنا

جت وجابت كل عالي وكل مايحلالها
وإنزلت بين الضلوع وقام فيها حظنا
و لابسه الغيم طرحه والفخر سلسالها
وأمطرت شهب ونجوم ونورتنا بأرضنا

جابت الشمس ابيديها والقمر خلخالها
جابت نجوم الليالي وجلستهم بيننا
كل نجمه فيها لمحه من عظيم خصالها
الوفا والقلب الأبيض وطيب نيات وهنا

كل طهر معانق له طيب يوم وصالها
وكل زين من لمحها قال إيه الله لنا
والحلى ماكنه إلا ما انخلق إلا لها
تمشي وتساقط حلى يالطيف الطف بنا

زانها منطوقها وكملت به حالها
لا حكت نسكت لها (كل ابونا) كلنا
من يشابهها ترف حتى لو بظلالها
انتي يانجلا ظلالك ماهو زي ظلالنا

اي نعم (اخت الرجال) بقولها وافعالها
اي نعم عز وشموخ اللي يعانق له سنا
اي نعم بنت الفخر والخيل من خيالها
اي نعم يا كامله فعيوننا وفقلوبنا