كلمات شلون ماحبه
✍️ كلمات: مشاري ابراهيم
تبون شلون ما احبه
واهو مافي مثل قلبه
على دربه
وابي قربه
وغيره لا ولا همني
يسوي فيني ما وده
أحس قلبه بشكل ورده
وغمازه
على خده
وجمال من الله ذابحني
خذاني كلي
أحسه ظلي
اهو بالملي
مثل ما انا تمنيته
ملا لي كوني
نعم مجنوني
بوسط عيوني
عن العذال غطيته
أحبه
من هنا لأبعد مدى
عمري وياه ابتدى
وباقي وياه
وأحسه
لمن إيدي تلمسه
حتى هي تتنفسه
وكلي أهواه
دفى إحساسه يذوبني
أببعد عنه يجذبني
مرتبني
على كيفه
ولا أحد كثره يحبني
قولوا اللي ب تقوليلي
أنا ماله أنا مو لي
وهو حولي
مكفيني
وتحديدا يناسبني