كلمات بسكوتايا ومعاكى دبابة (الحديدة مش جدعة هتخونك)

ضغط مين يا أبو ضغط وزغطة؟
ده الأسد ما بتشغلوش قطة
لو بترعش أحسنلك إتغطى
وإدهن للجرح مراهم
ويوا ويوا نزلت علينا فجأة
كلبش، إركب، يا باشا دي مفاجأة
خصمي صور الجولة وبعتها
ما هو عايز يخلص مني
ياو، أمجد الچوكر

اللي شافني شوفة تانية أنا عميته
واللي قالي ما بخافش جريته
سبته يكرف وفجأة أنا إديته
ما هو لازم يتصححله
قلبي شايله وحاطط مكانه ‫Knife
عمري ما أندب في حالة أو ‫Live
أيوة فرد وألعب قصاد ‫Five
لو فيها عريك فسحله

إحنا لسه هنحكي ونناهد؟
فضي طرقة والناس هنا تشاهد
وإنت جايلي على نفسك إتشاهد
هنا تذهب صعب تعود
إنت جيت مع حد مش عاقل
إنت شكلك غشيم ومش سائل
عندي دم، مش مية ولا سائل
ومن أجل كرامتي أموت

إنت حلو وأنا بيك يالا هحلي
يلا قبل، مالك كده مجلي؟
إنت شكلك حافظ ومتملي
بس يا روح ماما مش فاهم
ضغط مين يا أبو ضغط وزغطة؟
ده الأسد ما بتشغلوش قطة
لو بترعش أحسنلك إتغطى
وإدهن للجرح مراهم

مش بحب ولا كاني ولا ماني
جي منكو؟ خدوا يلا عنواني
بلدي صفط، منطقتي فخراني
فوقوا، أنا إسمي خالد عماد
جولة تبدأ ما فيش فيها رجوع
خصمه يخطأ هيبقى موضوع
المسيطر ده محمود أبو كوع
من يومه على إستعداد

خدت جنب ومسكتلي موبايلك
رن رن على بابا وزمايلك
مش هطبطب عليك ولا هحايلك
أنا مستني الأساطير
لو رصيدك خلص كمان منك
قولي أيوة ويا عم هشحنلك
قالي خمسة والخمسة جايينلك
قلتله ع الـ ‫Wait يا خطير

الشارع يا زميلي غير فونك
الحديدة مش جدعة، هتخونك
وإنت شفت وأظن بعيونك
أنا آسف، شفت بعين
ما إنت خدت كشاف في عين واحدة
لما ورمت أنا قلت أسيب واحدة
الحوار دار بينا على واحدة
أو الساعة ٢:٠٠ بالليل

زعلوكي هزعل وهتغابى
بسكوتاية ومعاكي دبابة
شاوري بس وقوليلي ده يا بابا
وأنا أوريكي هعمل إيه
إنت تؤمر يا ‫Cheesecake جيلك
اللي عايزه في ثواني هيجيلك
جوة قلبي وعينيا أنا هشيلك
العشق ما فيش بعديه

ويوا ويوا نزلت علينا فجأة
كلبش، إركب، يا باشا دي مفاجأة
خصمي صور الجولة وبعتها
ما هو عايز يخلص مني
هي رحلة وهتحلى خد بالك
إنت بس مسيلي على حالك
ده أنا قلت إن في ناس جايالك
كده ترشد وتغفلني؟

خالد عماد مش شاغله مخلوق
كله يصحى للندى ويفوق
أي حلو يحلو ويسوق
الإستعباط هيموت
محمود أبو الكوع كاتم على نفسكو
برة جوة مديكو على راسكو
قفزوها، مقصودة ومقاسكو
مش معتمدين هلفوت