كلمات مفيش جدعان
جدعان مع كل الناس والناس كلها تحلف بهيبتنا
حتى اللي علينا اتكلم اصلا كان متربي في بيتنا
بنحب اللي يقدرنا.. والله ما يوم قصّرنا
وولاد الإيه مش عارف ليه قاعدين بيجيبوا سيرتنا
-
شايلين في قلوبنا الخير للناس وبنتعامل بالحُسنى
ومحدش ليه عندنا حاجة إحنا بنتدلع بفلوسنا
تجاملنا نرد جميلك .. وان مرة وقعت نشيلك
وعشان عارفين قيمة نفسنا بندوس فوق اللي يدوسنا
شوف اللي جاملته بعيني وشلته ف وقت ما كان متهان
كاتب في ستوري بخط كبير " في الدنيا مفيش جدعان "
الدنيا غريبة بشكل .. حقك يتاكل أكل
وف أول وقعة بجد الناس كلها معدنها يبان !
جدعان علشان عمرنا ما نبيع ولا نسنتدل مع غيرنا
من غير ما نجيب في سيرتهم دول لحم كتافهم من خيرنا
بابنا بيفضل مفتوح .. لا بنزعل ع اللي يروح
اللي بيفضل على راسنا واهو اللي بيمشي بيبقى خسرنا
-
واخدين وضعنا وميشغلناش لو قالوا علينا كلام
لو قالوا كلامهم من ضهرنا ف ده يعني اننا قدام
هنرد ف وقت مناسب .. وهنقعد وهنتحاسب
ومعاكم او من غيركم إحنا بجد هنبقى تمام !
شوف اللي جاملته بعيني وشلته ف وقت ما كان متهان
كاتب في ستوري بخط كبير " في الدنيا مفيش جدعان "
الدنيا غريبة بشكل .. حقك يتاكل أكل
وف أول وقعة بجد الناس كلها معدنها يبان !