كلمات مش كفاية (feat. Nour Al Oyoun Youssef)

بيني وبينك
في شويّة مشاعر
حكاية غريبة
وسنين عم تمرق
ما بنكر حبّيتك
بس ما بعرف شو صار بعدا
والكلمة منك بعد ما سمعتا

بشوفا بعيونك
بس شو نفع النظرة
إذا لسانك ما حكى؟
شو نفعه قلبك يدق
بدون ما يسمعه حدا؟
مش كفاية
حبّك وتحبني عالسكّت
دخلك بعدك ما شفت
كيف عم يمرق فينا الوقت؟

بيني وبينك
عجقة طرقات
وحديقة تحت نجوم
وعيونك معي
حتى لمّن معي ما تكون
صاروا سنين
مش يوم ويومين
ماسكلي إيدي
ماخدني لوين؟
بدّك ياني إبقى عالعتبة
لا فيني حبّك
ولا فيني شيلك من قلبي
شو بييجي ع بالي
تختفي، منّي تختفي

هالكلمة منك بعد ما سمعتها
بشوفا بعيونك
بس شو نفع النظرة
إذا لسانك ما حكى؟
شو نفعه قلبك يدق
بدون ما يسمعه حدا؟
مش كفاية
حبّك وتحبني عالسكّت
دخلك بعدك ما شفت
كيف عم يمرق فينا الوقت؟

مش كفاية، نظراتك مش كفاية
دخلك بعدك ما شفت
كيف عم يمرق فينا الوقت؟