كلمات سحابة صيف

حبك سحابه عابره في حياتي
مرت سمايه وانجلى الغيم و انزاح
كانها سحابة صيف مرت في وادي
وتبخرت في مطلع الشمس يا صاح

يا من لقلبي كنت اغلى امنياتي
حلمي الوحيد اللي غزى القلب واجتاح
وقضت حلما كان نايم بذاتي
احيت فيه اعيون واطعون و اجراح

وانا احترق من حسرتي في سكاتي
مثل الغريب اللي لفى ديره وراح
يا كم بذرت احلام وازهار نباتي
وحسبت فيك العمر امال وافراح

لا ما هقيت انك تسبب شقاتي
و لاما هقيت انك عالبعد ترتاح
الله معك بمحيك من ذكرياتي
و انسى هواك الا تباريح و نواح

ابنسحب من دنيتك يا غناتي
واعتبر نجمك ظهر مره وطاح
هذا قراري وانت دور شراتي
جرب يطير الطير اللي ماله جناح