كلمات الوفا فيه

ليتني ما عرفت الحب ولا جيت بابه
ولا طريت المحبه عند من هو طرى
كم ليلة سهرت ودمع عيني صبابه
والخلي غايب وعن حالتي ما درى
فالحشا نار تلضي لاهبتني لهابه
يشتعل بي حطبها وفي فوادي كوى
كم عاشق تجنن وارتجل عن ركابه
وتاه في ظلمة احزانه وليله سرى

والهوى سم حاله لين حاله انبرى
وين قيسن وعنتر وربعهم والصحابه
وين مجنون ليلى ما لقاله دوى
اختفى في صحاري التيه خلف الضبابه
لا روته المحبه ولا لقاله روى
ايه احبه لو انه مطولن في غيابه
ذاك لي حبه فشريان قلبي سرى
في جماله وحسنه صاح صوت الربابه
نادرٍ مثل حسنه وغير وصله هبى
لابس العز ثوبه يعتليه وعلابه
في علوم المحبه دارسٍ وكتفى

فاهمني فطين ونيته ما نوى
ويلي منه ومن عينه وشلّت هدابه
ومن ثغره أرتوي ويزيح عني ضمى
الوفا فيه فطره والسجايا رحابه
مثل نجمٍ تعلى وفي عيوني ضوى
معلومات الاغنية
فيديو :: المفارق