كلمات كلمة بابا وحشاني

بتوحشني
انا محتاجه تسمعني زي زمان
بشوف صورتك انا يابابا في كل مكان
ولمتنا اكيد نقصاك
وجودك كان بيسعدنا
وفاكره لما كنت معاك
وحضنك كان مونسنا
وشكلك صعب يوم انساه
وبعدك يوم ماشوفت امان
بتوحشني
بتوحشني
دي صورتك لسه في البرواز
بكلمها وبكون حساك
سلالم بيتنا بطلعها بحس كأني لسه معاك
وريحتك لسه في الاوضه
معايا ومش مفرقاني
هدومك حتي بلبسها
وكلمة بابا وحشاني
بتوحشني
وكلمة بابا وحشاني
بتوحشني
وانا عارفه ان روحك عايشه حواليا
وايدك لسه حساها في ايديا
ولسه معايا مامشيتشي
وفي غيابك انا شايفاك
ده حتي وانت سايبني
يابابا بحس روحي معاك
حبيبي انا لسه بدعيلك
يكونلك قصر في الجنه
ويغفرلك يابابا عشان
تعبت كتير اوي عشانا
هيجي انا واجيلك
وابص في عينك انا تاني
حياتي في بعدك اسودت
وكلمة بابا وحشاني
وكلمة بابا وحشاني