كلمات مليح القد والقامة

مليح القد والقامه
يحسب اخطاه باقدامه
عسى الله يسعد ايامه
زريف الطول غض العود

طلع يمشي على هونه
على سطح البلكونه
سهوم الموت بعيونه
ولا ناشد ولا منشود

نظرته في قميص النوم
صباح الخير ذاك اليوم
هو الظالم وانا المظلوم
ذبحني بالعيون السود

ذبحني زين الاوصافي
وانا من قبل متعافي
متى توفي وتستافي
لحقني بالهوى منقود

ابو خدين ورديه
ورمش العين له فيه
وجيده جيد ريميه
وريحه مثل دهن العود

الا يازين كلمني
خذ علومي وعلمني
متى يازين ترحمني
وصل لي يومي الموعود

حبيب الروح خف ربك
قتلني بالهوى حبك
وطب الجرح من طبك
وشوفك غايه المقصود

حبيبي كم بكت عيني
ونار الحب تكويني
انا ودي تداويني
بوصلك والسلف مردود

احب اقف على بابك
تركت الكل بسبابك
لو اللي صابني صابك
شكيت النقص قبل الزود

انا وياه بالديره
ونفسي ماتبي غيره
تحت حكمه وتدبيره
وحبل اهل الهوى ممدود