كلمات جربت

جربت فى مره تقرب من انسان مجروح
ضايع مهزوم محروم من طعم الفرح
ساعه ما اتالم اتكلم بحلاوه روح
راجع مجروح مش قادر يهرب من الجرح

اطمن حس بدفئ فى ايديك
حبيته لقيته فى حضنك طفل برئ
طيبت جراحه اديته عينيك
اديته مشاعرك مشيتوا طريق

عرفته ازاى من تانى الفرح
يسكن مطرح كل الاحزان
وزرعت امان ولقيت الطرح
فجاه بيدبل على ايد انسان

جربت يخونك ويسيبك فى السكه حزين
مش طايق حتى يحس بجرحك
جربت عيونك تناديله تستنجد بيه
ولقيته على دمعك واقف يضحك

حنيت لمكان كان دايما يجمع بينكم
ولقيته بيخونك فيه
جربت تواجه واحد بخيانته
هزمك جبروت فى عينيه
كان نفسك تصرخ فى العالم
ملقيتش فى قلبك صوت
ضحيت بحياتك والظالم بيجرب فيك الموت
جربت تموت