كلمات وحشني بصحيح

واحشني حقيقي واحشني بصحيح
وزاد اشتياقى وفاض الحنين
واحشني حقيقي واحشني بصحيح
يا حبي اللي مكتوبلي فوق الجبين

حبيبي الوحيد غيابك بعيد
مخلي زماني في عينيا ضنين
سهر بالنهار وليل انتظار
بطيق الثواني و ساعاته بسنين
لانك حقيقي واحشني حقيقي
واحشني بصحيح

تعالى ترجع لعمري هناه
وتعدل بقربك في عيني الزمان
ده عمر اللي يعشق ما ينسى هواه
ولا يهنش ابدا عليه مهما كان

يا حلمي البديع ونورالربيع
وحس الاغاني وانس المكان
واحشني بصحيح وشوقي الصريح
غصبني اقولك بحبك كمان

تعالى تنول لقلبي مناه
وننعم بجو الصفا والحنان
وجودك ح يملى عليا الحياة
سعادة واماني وشعور بالامان

يا حلمي البديع ونور الربيع
وحس الاغاني وانس المكان
واحشني بصحيح وشوقي الصريح
غصبني اقولك بحبك كمان