كلمات بالعطر والورد
الوفا يا عاليـة طبعك اكيد
فرحتك مانسـتك اغلى البـشر
عاليـه قدرك كل يوم ٍ يزيد
يا احلى واجمل عالـية طول الدهر
بالعطر والورد مع مسك ٍ وعود
اشكر اهلي اليوم في ليلة عمر
ليله فيها الحب افراحه تجود
وفي موادعهم ابـهديهم زهر
ما انسى فضلك يا احلا ام ٍ في هالوجود
انتي روحي وانتي سمعي والنظر
مهما لك قدمت ترا فعلك يزود
كل ماسويت او بان وظهر
يمـه ياطـيب قلب يا القلب الودود
يمـه طرفك لجـلي يايمـه سهر
واغلي اخواني غـلآ بلاحدود
وقدرهم في القلب ماينقص كبر
فيهم الطيبه مع نخوة وجود
بـ افعالكم يا اخواننا انا كلي فخر
فيصل الي وارث ٍ طيب الجدود
والمها من نورها يضوي القمر
واهدي من جاني باقه من الورود
واشكر اللي فـ ليلة الفرحه حضر
وادعي ربي يا عسى الفرحه تعود
وبالهنا والحب تنورنـا دهـر