كلمات موال وين راجعه

وين راجعه يالبس بالاسم انسان
وين راجعه يالتحت التبن تعبان
انا شوفك انتي شوفك ماكان بالحسبان
يالطايره بجانح ملاك وداخلك شيطان

روحي ياحربايه العبي عاغيري بالالوان
روحي ياعنكبوت انصبي لغيري هالخيطان
انا صقر قلبي صخر ماتنهشو الغربان
قاسي اللحم مر الطعم ماتاكلوا النيران

يالعلمك صيد البشر اعمى البصر غلطان
ترى ماعلمك تمشي بحذر مشاك عالعميان
لو ترجعي تصومي دهر او تطلبي الغفران
لا تتعبي انا مو انا غلطانه بالعنوان

من برا ورده مزهره عاعود غصن البان
جواكي شوكه مصبره وهم بزماني كان
هذي النهايه وكل وضيع نهايتو خسران
اما انا حان الربيع يعانق الاغصان