كلمات نار المحبه

القريحه مستثيره و المعاني مستثيره
عادة الشاعر ليا جاته يحب مسامرتها
جاتني بعض الطواري كنها الخيل المغيره
كني اسمع في مساحات الفكر صوت ادبكتها
لو طفت بعد المخايل جمرة النار السعيره
ماطفت نار المحبه والمشاعر شاعمتها
ماذكرت الا هوا اللي حبها نعمه وخيره
المشاعر لا بدتها فـ المحبه ما انتهتها

فكرة الشاعر قرتها كل ليله و اكتبتها
كل حاجه تمتلكها تعتبر عندي مثيره
صرت احس ان كل حاجه في خيالي مالكتها
القمر يشبه ملامح وجهها اللي مستنيره
والهوى اللي في فياض العشب يشبه لـ نسمتها
فارع رغم انها فارع و ماهيب القصيره
فوقها مجدولها لا فلته ياصل تحتها
من كثر ماعنقها طوله فرق عن طول غيره
مايكفيها و لا سلسال واحد فـ ارقبتها
ومن كثر ماريحها طاغي ومتفرد عبيره
كل جلسه لو تجيها ربع ساعه عطرتها

لو تغطرس لعنبو من لامها في غطرستها
ادهلت صدري وصدري جالها موطن و ديره
رحبت فيها محاديب الضلوع و قلطتها
ماعلينا من مقادير الزمن شره و خيره
والله اني مانسيت اوعودنا و لا نستها
الاوله في قلبي اللي ساكنه فيه والاخيره
تامر و تنهى المشاعر و المشاعر مانهتها
الكبير الله ولا صغر محبتنا الكبيره
نحمد الله و المحبه صادقين امن اولتها