كلمات اغلى تراب

ياحلوه البلدان ما غلا ترابك
يالولوه منج العطايا كثيره

ماقد غلق في يوم بالخير بابك
اسنين نمشيها على خط سيره

هذاك زايد للسحايب رقابك
وخلاك نجمه في سمانا منيره

ياموطن الاجداد من ما درابك
كلن شهدلك والفعايل كبيره

العيد عيدك والعلم لي كسابك
شوفي جنودك والعيون السهيره

يامملكه لفواد كلن رضابك
امن وامان وخير ياعز ديره

انتي فخر النا ومن مايهابك
مدا م حكامك بنفس الوتيره

ع قلب واحد واليدين اتشابك
ع درب زايد كملوا في المسيره

وعيال زايد وثقوها نصابك
لين اصبحت الها معالم مثيره

حلوه ولكن من ينافس جنابك
بالمركز الاول واسمج ينيره

الله عليج اليوم محلا ثيابك
تزهي بثوب العيد محلا حريره

اتزيني ياحلوتي في شبابك
عاشت قيادتنا وشعبه نصيره