كلمات قصيدة آه يا دمعة
كلمات القصيدة - آه يا دمعة رقيه
آه يا دمعة رقيه
يحسين يا جمرة حزنهه
لو ردت تعرف خبر عنهه
اچفوف الدهر عگبك لونهه
وايفزز الميتين ونهه
الله واكبر هالمصيبه ذوبت گلب الغريبه
والله من اذكر هظمهه بدمي احس يحترگ دمهه
آه يا دمعة رقيه
يحسين يا روح الزچيه
هاك اسمع اعلوم الرزيه
شوف العدو اشسوه برقيه
عالراس راواهه المنيه
هالعزيزه ما رعوهه عذبوهه وروعوهه
بالحچي يگصر لساني ميت اوياهه عساني
آه يا دمعة رقيه
من عادة الطفله اليتيمه
لو روحهه اتحس بهظيمه
تفزع الناس البيهه شيمه
اتباريهه بچفوف الرحيمه
ما تجي بسوط المتنهه ابحقد واتكثر حزنهه
شلكم وياهه يظلام هاي ما صارت بالاسلام
آه يا دمعة رقيه
طفله واشعدهم يضربوهه
ويا ذنب عدهه ويرهبوهه
من حنت او ونت لبوهه
جابوا الراس وعذبوهه
ذبت الروح اعله نحره وظلت ابهمهه تخبره
والعليل ايصيح عمه ماتت اختي وشاط دمه
آه يا دمعة رقيه
كلما يمر يحسين عاشور
چني اشاهد دمك ايثور
ويكشف الجور بصارم النور
وبالگلب نار الكربله اتفور
وچني اشاهد ظعن زينب ويلي للشام ايتغرب
وچني اشاهد طفله بالشام من يمر يحسين كل عام
آه يا دمعة رقيه
بقلم الشاعر