كلمات ياساتر يارب
✍️ كلمات: امير طعيمة
🎼 ألحان: خالد عز
لسه واقفه
عايزه ايه
مش قلتيلي اسيبك وابعد
هوه ده مش كان اخر مشهد
كنتي بترضي بناري غرورك
ولا بتحسي بحالي
لسه واقفه
عايزه ايه
مستنيه عيوني تدمع
تسمعي صوت قلبي بيتقطع
واقفه بتتفرجي وتشوفي ايه اللي هيجرالي
ياساتر يارب على القسوه في كده قلب
ناس بتدبحنا وتجرحنا باسم الحب
ياساتر يارب على القسوه في كده قلب
ناس بتبني راحتها وسعدتها على حساب ناس
لسه واقفه
عايزه ايه
كنت حبيبك واتبدلتي
انا عليتك وانتي نزلتي
اديتك اكبر من حجمك
انا مش عايزك تاني
لسه واقفه
انتي ايه
اللي بيجرح قلب حبيبه
واللي بيفرح يوم ما يسيبه
ولا اقولك اسكت احسن
انتي اكيد فهماني